04.10.2017 | 09:19

Gæði skipta okkur höfuðmáli

Ölgerðin biðst afsökunar á því að hafa sent frá sér vöru sem uppfyllti ekki væntingar neytenda þrátt fyrir stranga gæðastaðla. Eftir að tilkynningar bárust um slys af völdum tappa sem skutust af við yfirþrýsting, innkallaði Ölgerðin alla ferska safa og tók út af markaðnum. Frá þeim tíma hefur starfsfólk fyrirtækisins unnið hörðum höndum að því að grandskoða framleiðsluferli safans, geymslu, dreifingu og umbúðir til að koma í veg fyrir að það endurtaki sig. Floridana safar eru nú komnir aftur á markað með nýrri tegund tappa. Nýju tapparnir eru með sérstakar afloftunarraufar sem gera umbúðirnar öruggari en þær voru áður. Þá hefur merkingum á flöskunum verið breytt til að undirstrika að ferskir Floridana safar í flöskum eru kælivara og ber að meðhöndla sem slíka. Safi utan kælis getur gerjast og þannig myndað yfirþrýsting sem ber að fara gætilega með.

Gæði skipta okkur höfuðmáli og Ölgerðin mun aldrei gefa eftir í þeim efnum.

Það er okkar loforð

 

Til baka