23.03.2012 | 09:24

Gull-deildin í knattspyrnu

Ölgerðin Egill Skallagrímsson og Íþróttafélagið Leiknir hafa gert með sér samstarfssamning sem meðal annars felur í sér að Ölgerðin er nýr stuðningsaðili 7 manna utandeildar Leiknis, áður Carlsbergdeildin. Deildin hefur verið gríðarlega vinsæl undanfarin ár og keppendur á ári hverju ári um 500 í 40 liðum að sumri til og um 250 í 20 liðum að vetri til.
Deildin mun hér eftir bera nafnið Gull-deildin.

Skráning hafin í Gull-deildina

Skráning er hafin í 7 manna utandeild Leiknis sem nú ber nafnið Gull-deildin.  Mótið er með sama sniði og undanfarin ár. Leikið er 2x25 mínútur á félagssvæði Íþróttafélagsins Leiknis. Keppni fer fram í sumar og hefst í byrjun maí og fær hvert lið að meðtaltali 12 leiki.

Leikið er eftir reglum KSÍ um 7 manna-bolta og leikmenn sem leika í efstu og 1.deild eru ekki löglegir í mótinu. Leikir í deildarkeppninni fara fram í miðri viku en bikarkeppnin er leikin á sunnudögum.
Keppnisgjald í Gulldeildina er krónur 90.000 fyrir liðið og skulu þau lið sem hafa áhuga á að taka þátt senda þátttökutilkynningu á gulldeildin@gmail.com . Þar sem koma fram nafn liðs, tveir tengiliðir, símanúmer og netfang. 

Til baka