19.12.2013 | 09:46

Afmælistilboð Ölgerðarinnar

 

Starfsfólkið stendur vaktina á afmælinu:

Ölgerðin gefur öllum viðskiptavinum sínum 8 lítra af Pepsi í afmælisgjöf

 

Ölgerð Egils Skallagrímssonar, sem fagnar 100 ára afmæli sínu á þessu ári, hefur síðustu daga gefið öllum viðskiptavinum sínum veglega afmælisgjöf í fjölmörgum verslunum.  Allir sem kaupa kippu af 2ja lítra Appelsíni fá nefnilega 8 lítra af Pepsi í kaupbæti. Þannig vill Ölgerðin gefa öllum viðskiptavinum sínum góða gjöf með þökk fyrir samfylgdina í 100 ár.

Starfsfólk Ölgerðarinnar, með Andra Þór Guðmundsson, forstjóra, í broddi fylkingar, hefur síðustu daga staðið vaktina í verslunum meðan afmælistilboðið er í gangi og munu gera það út daginn í dag, en þá lýkur tilboðinu.

Starfsfólkið hefur hins vegar ekki aðeins verið í að afhenda gjafir, heldur hefur það hlaupið í ýmis störf eins og kerrusöfnun, vöruleit og jafnvel aðstoð við viðskiptavini.  Þannig kom starfsmaður í veitingadeild Ölgerðarinnar eldri manni til aðstoðar í gær sem féll fram fyrir sig með þeim afleiðingum að hann hlaut minniháttar áverka. Til allrar hamingju eru slík viðvik þó sjaldgæfari en þau að rétta himinlifandi viðskiptavinum verslana auka glaðning í aðdraganda jólanna. 

Til baka