13.05.2013 | 10:21

Ölgerðin skrifar undir Global Compact

Ölgerðin Egill Skallagrímsson hefur sótt um aðild að Global Compact sáttmála Sameinuðu þjóðanna um samfélagsábyrgð fyrirtækja.  Í því felst skuldbinding til að framfylgja tíu viðmiðum um samfélagsábyrgð.  Þau viðmið snúa að mannréttindum, starfsmannamálum, umhverfi og aðgerðum gegn spillingu.  Árlega verður gefin út skýrsla um framganga þeirra viðmiða ásamt ítarlegu samfélagsábyrgðarverkefni Ölgerðarinnar.


Undanfarin ár hefur verið unnið að því að marka félaginu skýra stefnu í samfélagsábyrgð, í þeirri vinnu varð fljótt ljóst að helstu snertifletir yrðu umhverfið, samfélagið, markaðurinn og fyrirtækið.  Breiður hópur starfsfólks Ölgerðarinnar hefur með endurtekinni hópavinnu tekið saman þau atriði sem samfélagsábyrgð fyrirtækisins tekur til.  Á hundraðasta afmælisári Ölgerðarinnar var ákveðið að ráðast í 100 verkefni.  Þetta er umfangsmikið verkefni í framleiðslufyrirtæki eins og Ölgerðinni en starfsfólk er áhugasamt að flétta hvert verkefni við daglegan rekstur fyrirtækisins.
 

Til baka