Þrátt fyrir að sala á CBD-drykkjum sé ennþá ólögleg á Íslandi fer nú framleiðsla á slíkum drykk fram hérlendis undir þekktu íslensku drykkjarvörumerki; Mist. Varan er eingöngu framleidd til útflutnings enn sem komið er en vonir standa til þess að Mist-CBD verði fáanleg á heimamarkaði á komandi misserum.

“Mist er virknidrykkur sem byggir á töframætti náttúrunnar og bíður upp á eiginleika og innihaldsefni sem njóta vaxandi vinsælda. Þar má nefna ræturnar Maca og Ashwagandha og hið eftirsótta Yerba Mate en allt eru þetta innihaldsefni sem finna má í þeirri Mist sem fæst í íslenskum verslunum í dag. “ segir Gyða Dröfn, vörumerkjastjóri Mist.

“Þá er vaxandi eftirspurn eftir CBD-drykkjum víða erlendis en vinsældirnar hafa til að mynda vaxið mjög hratt í Bretlandi undanfarið ár og teljum við ennfremur að slíkur drykkur eigi fullt erindi á markað hér heima. Lagaumhverfið er þó þannig hérlendis að CBD er ekki ennþá leyft í drykkjarvöru, en CBD olíur hafa notið vaxandi vinsælda á seinustu árum og eru orðnar vinsælar húð- eða munnskolsolíur sem auðvitað enginn er að kyngja, því það er jú bannað. “

“Við höfum þegar framleitt fyrstu framleiðslu af Mist-CBD og eru fyrstu kassarnir á leið úr landi. Það getur þó verið talsvert ferli að koma vöru sem þessari í almenna sölu erlendis en við vonumst til þess að komast í hillur bæði í Bretlandi og Hollandi á komandi mánuðum. “

“Við vonum að sjálfsögðu að löggjöfin varðandi CBD-olíu í drykkjum verði endurskoðuð, og við fáum tækifæri til að kynna þennan frábæra drykk fyrir íslenskum neytendum. Mist-CBD hefur margskonar eftirsóknarverða virkni en auk CBD-olíunnar eru bæði L-Theanine og mátulegt magn af náttúrulegu koffíni í drykknum. Tíminn verður að leiða í ljós hvort og þá hvenær íslendingar fá svo að kynnast MIST-CBD.