Vinnustaðurinn

Ölgerðin

Lykillinn að velgengni fyrirtækja er fólginn í mannauði þeirra. Markmið Ölgerðarinnar er því að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi. Starfsfólk Ölgerðarinnar stefnir samstíga í átt að framtíðarsýn fyrirtækisins, að verða fyrsta val viðskiptavina og neytenda. Fjölbreyttur bakgrunnur starfsfólks gerir vinnustaðinn skemmtilegan.

Skoða gildin okkar

Fyrir starfsfólk

Jafnréttismál

Jafnréttisstefna er skuldbinding Ölgerðarinnar um stöðugar umbætur í jafnréttismálum og fjölbreytileika. Horft er til ákvæða laga nr. 150/2020 um jafnan rétt kynjanna og laga nr. 86/2019 um bann við allri mismunun fólks á vinnumarkaði á grundvelli kynþáttar, þjóðernisuppruna, trúar, lífsskoðunar, fötlunar, efnahags, litarháttar, ætternis, skerðingar á starfsgetu, aldurs, kynhneigðar, kynvitundar, kyneinkenna eða kyntjáningar.

Sækja jafnréttisstefnu

Fræðsla og þjálfun

Starfsfólk Ölgerðarinnar er dýrmætasta auðlind fyrirtækisins. Það er mikið kappsatriði að starfsfólki líði vel við störf sín og að það vaxi og dafni í starfi. Því er séð til þess að starfsfólk njóti góðrar þjálfunar og að góður árangur í starfi skili sér í aukinni ábyrgð og umbun innan fyrirtækisins.

Fræðsluþörf innan fyrirtækisins er reglulega greind með rýnihópum og viðtölum innan Ölgerðarinnar. Innan fyrirtækisins er boðið upp á öfluga rafræna fræðslu þar sem starfsfólk getur sótt fræðslu á þeim tíma og þeim hraða sem hentar hverjum og einum. Þar hefur starfsfólk yfirsýn yfir það sem er í boði og hvers konar fræðslu það hefur þegar sótt.

Þróun í starfi

Saga Ölgerðarinnar spannar yfir 100 ár og hjá okkur er starfsfólk sem hefur unnið hjá Ölgerðinni til fjölda ára. Verkefnin eru fjölbreytt og leggur Ölgerðin mikið upp úr því að leyfa starfsfólki sínu að vaxa í starfi.

Öflugt félagslíf

Ölgerðin er skemmtilegur vinnustaður sem býr yfir stórum hópi með víðtæka þekkingu og reynslu. Starfsmannafélagið Mjöður heldur uppi öflugu félagslífi og stendur fyrir fjölbreyttum uppákomum og fleiru skemmtilegu. Starfsfólk Ölgerðarinnar finnur mörg tækifæri til að koma saman og gleðjast og má þar nefna starfsmannadaginn JÁ-daginn, bjórdaginn J-daginn, árshátíð og fleira.

Mannauðsstefna og gildi

Stjórnendur Ölgerðarinnar vita að lykillinn að velgengni fyrirtækisins felst í mannauðnum. Markmið fyrirtækisins er því að hafa yfir að ráða vel menntuðu, hæfu og áhugasömu starfsfólki sem sameiginlega skapar metnaðarfullt og jákvætt vinnuumhverfi. Kynntu þér mannauðsstefnu og gildi okkar.

Sækja mannauðsstefnu