Takk fyrir okkur! Við erum afar glöð og stolt yfir því að Ölgerðin hafi verið valin Besta íslenska vörumerkið 2025. Það er Brandr sem stendur að þessu vali en í ár þótti Ölgerðin skara fram úr þegar horft er til stefnumiðaðrar vörumerkjastýringar. Að sögn fyrirtækisins byggir ferlið á akademískri og faglegri nálgun vörumerkjastjórnunar með staðfærslu sem þungamiðju.

Við erum þakklát fyrir þann heiður að hljóta þessi verðlaun og tökum þeim með miklu stolti. Við óskum öðrum verðlaunahöfum og öllum þeim sem voru tilnefnd innilega til hamingju.